Ylli e mposht Bashkimin, për të përfunduar stinorin e rregullt me fitore

Prishtinë(AsistiOnline) – Kampioni në fuqi i Kosovës, Golden Eagle Ylli e ka mbyllur me fitore stinorin e rregullt 2022/23.

Therandasit kanë triumfuar ndaj Bashkimit me rezultatin 77-87.

Ylli e nisi shumë më mirë këtë ndeshje duke e fituar çerekun e parë thellë 11-24, derisa Bashkimi u kundërpërgjigj shpejtë dhe fitoi të dytin 27-16, për t’u mbyllur pjesa e parë 38-40.

Në pjesën e dytë, vazhdoi loja e ngushtë mes ekipeve por Ylli arriti ta administrojë më mirë avantazhin (24-29, 15-18), për të arritur në fund fitore meritore.

Henrik Shirko me 28 pikë e Valon Bunjaku me 24 sosh, ishin dy individët kryesorë të Yllit sot, derisa u ndihmuan edhe nga Ardit Pepaj me 12 pikë e Demetris Morant me 10 sosh.

Te Bashkimi u dallua, Daniel Lekndreaj me double-double montruoz prej 31 pikëve e 14 kërcimeve.

Golden Eagle Ylli mbyll stinorin e rregullt në pozitën e tretë me 20 fitore e 8 humbje.

Ndërsa, Bashkimi e mbyll i 5-ti me 11 fitore e 17 humbje.

Në çerekfinale, Ylli takohet me Vëllaznimin e Bashkimi me Trepçën.

/AsistiOnline.com/