PORTLAND FITOJNË DHE SHPRESOJNË PLAY OFF’IN

Prishtinë(AsistiOnline) – Portland Trail Blazers e kanë fituar duelin shumë të rëndësishëm ndaj Houston Rockets, që i mban në garë për Play Off.

Blazers kanë triumfuar ndaj Houston Rockets me shifrat përfundimtare të ndeshjes, 110-102 dhe kështu janë vetëm një pozitë larg play off’it.

Damian Lillard me 21 pikë, 9 kërcime e 8 asiste, ishte më meritori në këtë fitore të Blazers, por u dallua edhe McCollum me 20 pikë.

Tek Rockets s’mjaftuan për fitore, Harden me 23 pikë e Green me 22 sosh.

Blazers, tashmë gjenden në pozitën e nëntë me 31 fitore e 38 humbje, përderisa Rockets gjenden në pozitën e katërt me 42 fitore e 25 humbje. /AsistiOnline.com

https://www.youtube.com/watch?v=7qffL2wsxeA