DUELIN MES LIDERËVE TË KONFERANCAVE E FITOI PHILADELPHIA

Prishtinë(AsistiOnline) – Kryendeshja e mëngjesit të sotëm mes liderit të konferencës perëndimore Utah Jazz, dhe konferencës lindore Philadelphia 76ers, përfundoi në të mirë të këtyre të fundit me rezultat 131:123. 

Se kjo ndeshje do të ishte dramatike dhe tejet e ngushtë, kjo nuk kishte dyshime. Në ”Wells Fargo Center” nuk mjaftuan 48 minuta për të përcaktuar fituesin, por u deshtën edhe 5 shtesë që në fund të kuptohet edhe triumfuesi I mbrëmjes.

Takimi filloi në të mirë të Utah duke fituar dy çerekët e parë. Pas pushimit prej 15 minutash, të përzgjedhurit e Doc Rivers u këndellën dhe në mënyrë spektakolare përmbys5n gjithçka dhe epilogu  48 minutave ishte 118:118. Në 5 minutat pasardhës, Gjezerët e Utah ishin inekzistentë duke shënuar vetëm 5 pikë, dhe këtë e shfrytëzuan në mënyrë të përkryer, Sixers që realizuan 13 sosh për ta fituar gjithë takimin me epilog 131:123.

Në këtë natë shkëlqeu edhe njëherë tjetër favoriti kryesor për çmimin MVP të sezonit, Joel Embiid duke shënuar hiç më pak se 40 pikë dhe kontriboi me 19 kërcime monstruoze. Në krah i qëndroi Tobias Harris që kompletoi poashtu double double me 22 pikë, e 10 kërcime.

Nga ana tjetër, më i dalluari te gjezerët ishte i zakonshmi Donovan Mitchell me 33 pikë, 8 kërcime e 6 asistime. 

Utah tani me humbjen e dytë rresht vazhdon të mbetet në vendin e parë të perëndimit me 27 fitore e 9 humbje ndërsa 76ers me këtë fitore regjistrojnë triumfin e 24 krahas 12 humbjeve.

Ndeshjet tjera që u luajtën mëngjesin e sotëm:

Detroit Pistons – Toronto Raptors 129-105

Indiana Pacers – Cleveland Cavaliers 114-111

Atlanta Hawks – Orlando Magic 115-112

Charlotte Hornets – Timberwolves 135-102

Chicago Bulls – New Orleans Pelicans 128-124

/AsistiOnline.com/

https://www.youtube.com/watch?v=y6cUxnk92CY