BASHKIMIT I LARGOHET LOJTARI QË PERFORMOI MË SË MIRI NË SUPERKUPË!

Prishtinë(AsistiOnline) – Skuadra e Bashkimit ka mbetur pa njërin prej lojtarëve të huaj që e transferoi gjatë merkatos verore.

AsistiOnline.com ka mësuar se nga portokallinjët është larguar aloja, Richaud Gittens.

Basketbollisti amerikan zhvilloi vetëm një ndeshje zyrtare me fanelën e Bashkimit në Superkupën e Kosovës dhe ishte individi më i dalluar me 27 pikë, 3 kërcime e 1 vjedhje topi.

Gittens ka lënë Bashkimin për një skuadër gjermane që luan në liga regjionale (Barmer 2), por si duket oferta financiare e ka joshur për të ndërruar ambient.

Bashkimi pritet ta zëvendësojë të larguarin drejt Gjermanisë me një lojtar tjetër.

/AsistiOnline.com/