DANIMARKA E MPOSHT NORVEGJINË NË GRUPIN E KOSOVËS

Prishtinë(AsistiOnline) – Danimarka e ka mposhtur Norvegjinë në duelin e Grupit C, ku bën pjesë edhe Kosova në parakualifikimet për Eurobasket 2025.

Në një ndeshje mjaftë interesante në ”Arena Naestved”, danezët mposhtën ngushtë rivalët fqinjë me rezultat 84-68, duke arritur fitoren e parë në grup.

Individët më të dalluar tek danezët në këtë fitore shumë të vlefshme sonte ishin, Jonas Zohore e Jonathan Klussmann me nga 13 pikë, si dhe Adamo Darbo me 13 e Kevin Larsen me 11 sosh.

Te Norvegjia s’mjaftuan për fitore, Harald Frey me 23 pikë e Chris Ndow me 20 sosh.

Edhe Danimarka edhe Norvegjia kanë nga 1 fitore në këtë grup, ashtu sikurse Kosova.

Ekipi ynë ndeshjen e tretë në këtë raund e zhvillon këtë të dielë ndaj Norvegjisë nga ora 19:00 në Mitrovicë.

/AsistiOnline.com/