EKSKLUZIVE: MIKE EDWARDS QENDRA E RE E TREPÇËS?

Prishtinë(AsistiOnline) – Ndryshimet e shumta të skuadrave kosovare para ”play off”-it po vazhdojnë me intensitet të shtuar dhe do ta prekin edhe Trepçën.

”Xehtarët” fituan Kupën e Kosovës para dy javësh e ky sukses duket se ka shtuar ‘apetitet’ e tyre edhe për më shumë dhe AsistiOnline.com ka mësuar ekskluzivisht se në Mitrovicë shpejtë pritet të zbarkojë një qendër e re.

Mike Edwards është emri i lojtarit të ri që me shumë gjasa mund të finalizohet shpejtë si transfer te Trepça, ai është i gjatë 206 centimetra.

Në edicionin aktual, Edwards ka qenë pjesë e skuadrës ruse ”Dinamo Vladivostok” tek të cilët në 13 ndeshje kishte luajtur me mesatare prej 11.2 pikëve e 6.2 kërcimeve për ndeshje.

Ndërsa në edicionin e kaluar ishte paraqitur me Dinamo Tbilisin në elitën gjeorgjiane ku ishte nën-urdhërat e Mujo Thaçit e atje në 15 ndeshje kishte pasur mesatare, 14.5 pikë e 7.9 kërcime për ndeshje.

Në Evropë, Edwards kishte ardhur nga kolegji amerikan University of Georgia” që bën gara në NCAA1.

/AsistiOnline.com/