DY SKUADRAT NË FORMË, RAHOVECI DHE PRIZRENI MBYLLIN XHIRO 22

Prishtinë(AsistiOnline) – Xhiro 22 e ArtMotion Superligës së Kosovës mbyllet sonte me një duel tepër interesant.

Rahoveci në palestrën simpatike dhe moderne ”Mizahir Isma” i bën konakun Prizrenit 16.

Vreshtarët janë në formë të mirë dhe do të hyjnë vetëm për fitore. Rahovecasit kanë shtatë fitore e 13 humbje, duke u renditur në vendin e shtatë, kurse prizrenasit kanë 13 fitore e gjashtë humbje.

Sfida fillon nga ora 19:00 dhe transmetohet direkt në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/