Hajrizi kapiten i ri i Trepçës, vazhdon kontratën me skuadrën
Prishtinë(AsistiOnline) – Trepça e ka vazahduar bashkëpunimin zyrtarisht me basketbollistin kyç, Drilon Hajrizi.
Klubi mitrovicas ka njoftuar se kanë arritur që të merren vesh për të qenë së bashku edhe për një edicion tjetër.
Trepça poashtu ka njoftuar se Hajrizi do ta bartë shiritin e kapitenit, pas pensionimit të Valdrin Haxhiut.
Një dhuratë për ditën e çlirimit. Sot më 12 Qershor po nënshkruajmë me kapitenin tonë të ri, 12-shin tonë, Drilon Hajrizin. Drilon Hajrizi është lojtar i cili me kategorinë e kadetëve fitoi tre tituj kampioni, e katër të tjerë me kategorinë e juniorëve. Gjithashtu, roli i tij në sukseset e klubit tonë edhe me kategorinë e seniorëve është i pamohueshëm. Klubi është mirënjohës për kontributin e tij. Prandaj, kemi zgjedhur ditën e çlirimit për të konkretizuar marrëveshjen me numrin 12! Urime!”, shkruan njoftimi i klubit mitrovicas.
Trepça në edicionin që sapo u mbyll e fitoi titullin e kampionit të Kosovës pas 12 vitesh mungesë. /AsistiOnline.com/
Komentet janë të mbyllura.