LIROHET TY NICHOLS

Prishtinë(AsistiOnline) – Njëri ndër basketbollistët kryesorë të Ponte Prizrenit këtë stinor, Ty Nichols është liruar nga ekipi prizrenas, për të gjetur ekip të ri.

Në njoftimin për fitoren ndaj Vëllaznimit, është bashkangjitur edhe lajmërimi se prizrenasit kanë shkëputur marrëveshjen me amerikanin që edhe në stinorin e kaluar, mbrojti ngjyrat bardh e zi.

Nichols sivjet pati mesatare tejet të mirë me 16.0 pikë, 6.6 asiste dhe 4.0 kërcime për ndeshje.

Në vend të Nichols, prizrenasit pritet të përforcohen me një lojtar tjetër të pozitës fundor.

/AsistiOnline.com/