Istogu transferon dy amerikanë dhe dy vendorë

Prishtinë(AsistiOnline) – Istogu sivjet do të debutojë në Superligën e Kosovës.

Skuadra iostogase ka paraqitur për regjistrim në afatin kalimtar të verës dy amerikanë dhe dy vendorë.

Organizatori amerikan, Matthew Lang dhe qendra amerikane, Davonte Carrier. Për të dy lojtarët, Istogu do të jetë përvoja e parë jashtë SHBA-ve.

Derisa dy lojtarët vendorë të transferuar janë, Dardan Maxharraj nga Peja e Adrian Ibishi nga Prishtina e Re.

Me këta lojtarë të transferuar dhe me lojtarët bartës nga inkuadrimi në Superligë, që ka vazhduar kontratat, Istogu do të tentojë paraqitje sa më dinjitoze sivjet. /AsistiOnline.com/