Bashkimi befason me riorganizimin, vazhdon kontratat me Lejson Zeqirin, Altin Morinën e Samir Zekiqin

Prishtinë(AsistiOnline) – Bashkimi duket se po punon që nga tash për edicionin e ri të garave.

Klubi prizrenas ka njoftuar para pak momenteve se ka vazhduar kontratat me tre lojtarët e edicionit të kaluar.

Bëhet fjalë për Lejson Zeqirin, Altin Morinën e Samir Zekiqin, ku që të tre janë siguruar nga plus një edicion.

Nuk mbahet mend kur Bashkimi e kishte filluar riorganizimin për edicionin e ri, ende pa përfunduar mirë ky aktual.

Të kujtojmë se aktualisht po zhvillohet finalja e madhe për titull kampioni të edicionit 2023/24 mes Trepçës e Yllit.

Drejtuesit e Bashkimit për sezonin e ri kanë premtuar një Bashkim si kandidat shumë shumë serioz për trofe.

/AsistiOnline.com/