Prishtina zyrtarizon dy transfere të reja, me karrierë tejet tejet të pasur

KB Prishtina ka nënshkruar së fundmi me dy lojtarë amerikanë: Jordan Davis dhe Olin Carter III.

Davis ka shtetësi të dyfishtë amerikane dhe azerbajxhanase. Ai luan në pozicionin e organizatorit të lojës.

Pas përfundimit të kolegjit, Davis filloi karrierën e tij profesionale në Evropë. Ai ka luajtur për disa klube, duke përfshirë Baxi Manresa në Spanjë, Rasta Vechta në Gjermani, Hapoel Tel Aviv në Izrael dhe UCAM Murcia në Spanjë. Në shkurt të vitit 2023, nënshkroi me Hamburg Towers në Bundesligën Gjermane. Në korrik të vitit 2024, u bashkua me Breogán në Spanjë, dhe më pas në nëntor të vitit 2024, kaloi te Hestia Menorca. Në dhjetor të vitit 2024, Davis nënshkroi me Promitheas Patras në Greqi, ku deri tani luajti me 11.5 pikë.

Në vitin 2017, Davis mori shtetësinë azerbajxhanase dhe përfaqësoi ekipin kombëtar të Azerbajxhanit në Kampionatin Evropian U20, Divizioni B. Gjatë këtij turneu, ai shënoi mesatarisht 26.8 pikë dhe 10.3 kërcime për ndeshje.

Me përvojën e tij të gjerë në ligat evropiane dhe aftësitë e tij të spikatura në shënim dhe organizim të lojës, Jordan Davis pritet të sjellë një kontribut të rëndësishëm për KB Prishtina në sezonin e ardhshëm.

Sa i përket Olin Carter III, ai luan në pozitat 2-3 dhe karriera profesionale përfshin Spanjën me ekipin Levitec Huesca në Ligën LEB Oro gjatë sezonit 2019-2020. Më pas, në vitin 2021, ai u transferua në Serbi për të luajtur me KK Napredak JKP, ku zhvilloi 11 ndeshje. Në sezonin 2021-2022, Carter III u bashkua me Texas Legends në NBA G League, duke vazhduar më pas me ekipe të tjera si Austin Spurs dhe Valley Suns. Gjatë sezonit aktual 2024-2025 me Valley Suns, ai regjistroi mesatarisht 5.2 pikë për ndeshje në 13 paraqitje, me një përqindje gjuajtjeje prej 31.0% dhe 34.6% nga distanca e tre pikëve.