MEKAJ LOJTAR I LIRË, MUND TË BËHET ME EKIP TË RI

Prishtinë (AsistiOnline) – Njëri ndër basketbollistët fundorë më të mirë momentalisht në tregun kosovar, Leonard Mekaj është lojtar i lirë.

Në një bisedë të shkurtër për AsistiOnline, Mekaj ka treguar se kontrata me Golden Eagle Yllin i ka skaduar dhe e ardhmja e tij, pritet të vendoset në ditët e ardhshme.

“Tash kontrata me Yllin më ka përfunduar dhe jam lojtarë i lirë për momentin. Tani për tani, sa i përket angazhimit diku nuk ka asgjë konkrete qe duhet ta ceki”, është shprehur Mekaj për Asistin.

Mekaj është ndër lojtarët më punëtor në basketbollin e Kosovës, ai edhe pse në pushime qysh tash ka filluar të përgatitet duke u stërvitur individualisht, qoftë kondicionalisht qoftë me top. Dhe sigurisht që pritet të jetë nën-llupën e shumë ekipeve kosovare për tu transferuar, duke parë aftësitë dhe profesionalizmin e tij.

AsistiOnline ka mësuar se interesimin për ta patur në radhët e ekipeve Leonardin, vetëm se ka filluar.

Mekaj në stinorin e fundit, ishte ndër bartësit kryesorë të lojës tek ekipi therandas, Golden Eagle Ylli.