OLIMPIA MILANO BOMBARDON MERKATON E EUROLEAGUES, SHTON NË SKUADËR YLLIN E CSKA-SË

Prishtinë(AsistiOnline) – Skuadra më e mirë italiane, Olimpia Milano ka bërë njërën ndër goditjet më të bujshme viteve të fundit në Euroligën e basketbollit evropian.

Ekipi nga qyteti i modës, ka shtuar në skuadër ish MVP-në dhe kampionin aktual të Euroligës, Sergio Rodriguez.

Rodriguez së fundmi ishte pjesë e kampionëve të Euroligës, skuadrës ruse CSKA Moska dhe pritet të jetë ndihmesë e madhe tek Milano për arritjen e synimeve madhore të Milanos sivjet në Euroligë.

“El Chacho” më parë ka luajtur për Real Madridin, përderisa ka përvojë edhe në NBA.