ISTOGU FITON DRAMËN NDAJ MH PRISHTINËS

Prishtinë(AsistiOnline) – Istogu e ka fituar njërën prej përballjeve më dramatike të Ligës së parë këtë xhiro.

Skuadra istogase ka triumfuar si mysafire e Marigona Hill Prishtinës me rezultatin e ngushtë 83-86.

Istogu e nisi më mirë këtë duel dhe fitoi çerekun e parë 20-28, derisa në të dytin dominues u treguan vendasit (22-13), për të vazhduar njësoj edhe në çerekun e tretë (26-24), sidoqë të jetë, Istogu u rikthye te loja e mirë në periodën e fundit dhe vendimtare për ta fituar (15-21) dhe e fitoi krejtësisht takimin.

Transferi i huaj i Istogut gjatë afatit dimëror, Sam Taylor ishte afër shifrave magjike në debutim me ekipin me 27 pikë, 13 kërcime, 9 asiste e 2 vjedhje topash, Shëndrit Llapi e Dardan Maxharraj shtuan nga 15 pikë dhe Nderim Januzaj kishte 14 pikë.

Te MH Prishtina ishin të pamjaftueshëm për fitore, Donat Rexhepi me 24 pikë e Genc Zeqiri me 17 sosh.

Pas xhiros së 10-të, Istogu gjendet i 3-ti me 16 pikë, 6 fitore e 4 humbje. Ndërsa, MH Prishtina gjendet e 8-ta me 13 pikë, 3 fitore e 7 humbje.

Në xhiron e ardhshme, Istogu i pret Dardanët e MH Prishtina i shkon Vëllaznimit.

/AsistiOnline.com/