SIGAL PRISHTINA ARRIN FITORE DHE THELLON KRIZËN E BASHKIMIT

Prishtinë(AsistiOnline) – Sigal Prishtina e ka fituar ndeshjen e fundit të xhiros 24 duke e mposhtur Bashkimin në kryeqytet.

Ekipi bardhekaltër triumfoi ndaj portokallinjëve nga Prizreni sonte me rezultatin final 93-74.

Pjesa e parë e ndeshjes ishte tepër interesante me Bashkimin që fitoi çerekun e parë 16-24, derisa i dyti i takoi Prishtinës 29-19 dhe këta të fundit shkuan në pushimin mes pjesëve me avantazh të ngushtë 45-43.

Derisa në pjesën e dytë, Prishtina e fitoi ngushtë çerekun e tretë (20-19), dallimi kryesor u bë në periodën e fundit (28-12) me Prishtinën që arriti ti bëjë diferencat dhe e fitoi sfidën me plotë meritë.

Dy vëllezërit Lejson e Jetmir Zeqiri kishin nga 17 pikë, por njejtë realizoi edhe Muhamedali Janjeva e Henry Dugat me 15 dhe Kenny Brown me 11, ishin individët më të dalluar te Prishtina sonte.

Derisa te Bashkimi nuk mjaftuan assesi për fitore, John Florveus e Julien Lewis me nga 17 pikë secili.

Pas xhiros 24, Sigal Prishtina renditet e 5-ta me 36 pikë, 12 fitore e 12 humbje, ndërsa Bashkimi pozicionohet i parafundit me 33 pikë, 9 fitore e 15 humbje.

Në xhiron e ardhshme, Sigal Prishtina e pret Golden Eagle Yllin e Bashkimi luan në shtëpi ndaj Rahovecit.

/AsistiOnline.com/