ZYRTARE: ISH-TRAJNERI I CIBONËS, MERR DREJTIMIN E PRISHTINËS
Prishtinë(AsistiOnline) – Skuadra më e trofeshme në basketbollin e Kosovës, Sigal Prishtina duket se e ka nisur shumë seriozisht riorganizimin për edicionin e ri.
Kryeqytetasit kanë njoftuar çaste më parë, se kanë arritur marrëveshje bashkëpunimi me teknikun kroat, Ante Nazor për ta drejtuar ekipin në rolin e kryetrajnerit.
Kroati 42 vjeçar ka një karrierë të bujshme në zejen e trajnerit, ku ka udhëhequr skuadra të mëdha dhe gjithashtu ka arritur shumë suksese.
Ndihmës trajner dhe Kryetrajner i Kombëtarës së Kroacisë për kategoritë e reja.
Kryetrajner i skuadrave të famshme si, Zadar, Cibona, Split, MZT Skopje dhe ZTE.
Sukseset e tij si trajner janë, Kampion i Superligës së Maqedonisë së Veriut, Medalist i Artë i FIBA U-16 me Kroacinë, Medalist i Argjendtë me Kroacinë U-18 dhe U-19, dhe dy herë i Bronztë me kategoritë e lart përmendura.
Ai gjithashtu ishte pjesëmarrës në ABA League.
Skuadra e Prishtinës në edicionin e ri pritet të jetë njëra prej klubeve favorite për trofe.
/AsistiOnline.com/
Komentet janë të mbyllura.