Grapeland Rahoveci vulos vendin e parë me fitore të madhe ndaj KEK-ut, pranë Ligës së Parë
Prishtinë(AsistiOnline) – Sonte është zhvilluar një prej ndeshjeve më interesante të sezonit në Ligën e dytë të meshkujve.
Grapeland Rahoveci e ka fituar duelin e skuadrave të para në tabelë ndaj Kek-ut me rezultat 90-82.
Në një sfidë tejet interesante e cila ka shkuar edhe në vazhdime, Grapeland ia doli në fund dhe siguroi fitoren e madhe e cila thuajse i siguron pozitën e parë në tabelë për play off, derisa me këtë avantazh do ta ketë përparësinë e terrenit vendas.
Duket se nuk është larg dita, kur Rahovecin do ta shohim përsëri në skenën e madhe të basketbollit kosovar me sallën më të bukur në Kosovë dhe do të rikthehen kohërat kur ky qytet mbante leksion për organizim të ngjarjeve më eminente në basketbollin tonë.
/AsistiOnline.com/
Komentet janë të mbyllura.