ZEQIRI MBETET TE PRISHTINA, KJO E FUNDIT KONFIRMON LAJMIN E ASISTIT
Prishtinë(AsistiOnline) – Lejson Zeqiri do të mbetet edhe për dy sezone te Sigal Prishtina.
Ashtu siç kishte raportuar javë më parë ekskluzivisht AsistiOnline.com, ashtu edhe ka ndodhur, ngase basketbollisti i ri, Lejson Zeqiri çaste më parë u prezantua nga skuadra prishtinase.
“Lojtari 21 vjeçar, nga më premtuesit në vend vazhdon të jetë pjesë e familjes bardhë e kaltër edhe për dy sezonet e ardhshme. I transferuar në sezonin e kaluar, me paraqitjet e tij ka bërë që klubi t’i besojë edhe për sezonët në vijim. Në sezonin e fundit në Superligën e Kosovës luajti me mesatare 11.4 pikësh dhe 4.6 kërcimesh dhe në Ligën Ballkanike me mesatare pothuajse identike prej 10.4 pikësh dhe 4.9 kërcimesh”, shkruan në njoftimin e Prishtinës.
/AsistiOnline.com/
Komentet janë të mbyllura.